పాపమనగ వేరె పరదేశమున లేదు
తనదు కర్మములను తగిలియుండు
కర్మ తంత్రిగాక కనుకని యుంటొప్పు
విశ్వదాభిరామ వినురవేమ.
బావం: పాపం ఎక్కడో మరోదేశం నుంచి రాదు. తాను చేసే పనుల ఫలితంగానే వస్తుంది. దుష్పలితాలు కలిగిన తర్వాత కర్మకాండలు, మంత్ర తంత్రాలను ఆశ్రయించడం వ్యర్థం. దానికన్నా ముందే అప్రమత్తంగా ఉండటం క్షేమం.
-------000-------
పసుల వన్నె వేరు పాలేక వర్ణమౌ
పుస్పజాతి వేరు పూజా ఒకటే
దర్శనములు వేరు దైవంబు ఒక్కటే
విశ్వదాభిరామ వినురవేమ.
బావం: ఆవు మొదలైన పశువులు వేరు వేరు రంగుల్లో ఉండొచ్చు. కానీ అవి ఇచ్చే పాల రంగు ఒక్కటే. ఎన్ని రకాల పూవులున్నా వాటి ఉద్దేశ్యం పూజా ఒక్కటే. భక్తులు చూసే చూపులెన్ని ఉన్నా వాటి లక్ష్యం దైవం ఒక్కటే.
-------000-------
చిక్కియున్న వేళ సింహంబు నైనను
బక్క కుక్క కరచి బాధచేయు
బలిమి లేని వేళ బంతంబు చెల్లదు
విశ్వదాభిరామ వినురవేమ.
బావం: శక్తి లేనప్పుడు సింహా న్ని బక్క కుక్క కూడా కరిచి బాధపెడుతుంది. బలము లేని సమయంలో పౌరుషం తగదు.
Subscribe to:
Post Comments (Atom)
No comments:
Post a Comment