అనువుగానిచోట నధికులమనరాదు
కొంచమైన నదియు గొదువకాదు
కొండ యద్దమందు గొంచమైయుండదా
విశ్వదాభిరామ వినురవేమ.
బావం:: తగని చోట గొప్పవారని చెప్పుకోరాదు. తగ్గి యుండుట మంచిది. అద్దములో కొండ చిన్నది గా కనిపించిన మాత్రాన చిన్నదైపోతుందా?
-------000-------
అనగా ననగ రాగ మతిశయుల్లుచునుండు
దినగ దినగ వేము తియ్యనుండు
సాధనమున పనులు సమకూరు ధరలోన
విశ్వదాభిరామ వినుర వేమ.
బావం: పాడుతూ పాడుతూ ఉంటే రాగము వృద్ది అవుతుంది. తినగా తినగా వేపాకు కూడా తియ్యగా ఉంటుంది. అలాగే సాధనము వల్ల ఇలలో పనులన్నీ అవుతాయు.
-------000-------
ఇనుము విరిగేనేని యిరుమారు ముమ్మారు
కాచి యతకవచ్చు గ్రమముగాను
మనసు విరిగేనేని మరి చేర్చరాదయా
విశ్వదాభిరామ వినుర వేమ.
బావం:: ఇనుప వస్తువు విరిగితే రెండు, మూడు సార్లు మళ్ళీ అతకవచ్చు. కానీ మనసు విరిగితే మాత్రం అతకాడం అసాధ్యం.
Subscribe to:
Post Comments (Atom)
No comments:
Post a Comment